Шифра: Македонија
Имам потреба: Психолог
Порака: Имам 22 – годишна ќерка, не се дружи, многу е затворена, не ја интересира ништо, нема волја за ништо… 6 години оди по психијатри, пие терапија: мендилекс, празине, респиридон. Постојано на социјалните мрежи пишува со возрасни мажи, а кога ќе и го земам телефонот се заканува со самоубиство… Татко и е тежок алкохоличар, брат и ја критикува и исмејува, сакам да и помогнам, но не прифаќа никаков совет. 2 пати лежеше на психијатрија. Ве молам за помош и совет, секој сака да живее нормален живот и да оди по прав пат. Не можам веќе да издржам, душава ми умира секој ден. Како да се заштитам и сама себе, ова веќе не се трпи…
Одговор:
Почитувана, Ви благодарам што ни се обративте за поддршка и што сакате да се погрижите и за менталното здравје на Вашата ќерка, како и за Вашето. Од Вашиот допис можам да увидам дека ситуацијата е покомплексна и бара повеќе од онлајн советување. Затоа Ве охрабрувам да се јавите на бесплатната СОС Линија (141-700) или да го посетите нашето советувалиште заедно со Вашата ќерка и да закажете бесплатна средба со психолог, и доколку има потреба со социјален работник и правник.
Одговара: Елена Василева – психолог, во рамки на Советувалиштето при Национален совет за родова рамноправност.
Дигиталното советувалиште е поддржано од Комерцијална Банка АД Скопје, во рамки на проектот „Дигитализација и дигитална видливост на услугите на Советувалиштето при НСРР и СОС линијата за жени – жртви на семејно насилство“.