Шифра: Јасмина
Имам потреба од: Правник
Порака: Здраво, сакав да прашам дали ако има пријавено семејно насилство во полиција прави разлика врз пресудата?
Почитувана Јасмина,
Во однос на пријавување на семејно насилство надлежни институции се полиција и Центар за социјална работа. Овие две институции се во соработка и пријавувањето во истите е клучно. Полицијата е надлежна (во зависност од вашиот случај и прибавените докази) по службена должност да извести јавен обвинител за што понатаму се покренува судска постапка.
По пријавување на насилство во вашата најблиска полициска станица, во период од неколку дена може да подигнете Потврда за пријавата од истата станица која што понатаму ќе ви послужи како доказ во судска постапка.
Пресуда која ја носи надлежниот Суд зависи од приложените докази и исходот на самата постапка.
Доколку имате потреба од понатамошно советување, можете да дојдете во просториите на нашето бесплатно советувалиште. Закажете средба на 02/3134-390, нашиот тим ви стои на располагање.
Одговара: Ружица Пинзовска – правна советничка, во рамки на Советувалиштето при Национален совет за родова рамноправност.
Дигиталното советувалиште е поддржано од Комерцијална Банка АД Скопје, во рамки на проектот „Дигитализација и дигитална видливост на услугите на Советувалиштето при НСРР и СОС линијата за жени – жртви на семејно насилство“.